ويل من عينه على دمعه كضوم - لو عباريها مثل وبل الغمام

[بدرالهبيري]

السلام عليكم ورحمة الله وبركاته ..



احيي الجميع وأبارك لكم عودت المنتدى ..



واقدم لكم هذه القصيده الجديده علها ترضي
ذائقتكم الراقيه ..


إليكم جديدي :




ويل من عينه على دمعه كضوم
ــــــــــــــــــــــــ لو عباريها مثل وبل الغمام
مايفيده وان مسحها بالكموم
ـــــــــــــــــــــــ سيلها يملى محاجرها وزام
كنـّــها كنه من الدمع امعدوم
ــــــــــــــــــــــ أو تقل دمعه على عينه حرآم
خوف لايدريبها راع العلوم
ـــــــــــــــــــــ وان درى عــــــنها تعذر بالزكام
عن كراها لـدّها طيف الحلوم
ـــــــــــــــــــــ وانجلى عن جفنها حلو المنام
للسهر فيها المواري والرْسوم
ـــــــــــــــــــــ واِلـ شقاها كن غاشيها عسام
ليلها مابه ونيس الا النجوم
ــــــــــــــــــــ والـــــــــنهار بجور واقعها ظلام
حالها يامن على حالي رحوم
ـــــــــــــــــــ لاتســـــــــــرّ الناضرين ولا تلام
لاتعرّضها بصدَّتـْـك السموم
ـــــــــــــــــــ واتـــــــــْـحَدَاها يا نضرها للعدام
لو خـَـطيت وقلت مالي بك لزوم
ـــــــــــــــــــــ عن مرد القول يكفيك الهيام
ضاقت الدنيا بصاحبك الكتوم
ــــــــــــــــــــــ وانطوى واغدى مفاتيح الكلام
وانزوى بين التخيّـل والوهوم
ـــــــــــــــــــــ واعتراه الخوف واشقاه الملام
ينتظر علّ انتظاره مايدوم
ــــــــــــــــــــــ واعــــذابه كان به طال المقام
ليلته ظلما واحاليه امهزوم
ـــــــــــــــــــــــ وايّـتـنهـّـد يوم خلق الله نيام
ضايقه فيه المسالك واليموم
ـــــــــــــــــــــــ وين مايمشي تلقــّـاه الحيام
كل مالد النضر غيضه يزوم
ــــــــــــــــــــــ والضنون لوقـْعها وقع الحسام
ماتخلـّـف عن مراكيب العموم
ــــــــــــــــــــــ لين ماراحت طموحاته هدام
قام يلـْعِـي في طرفها كل بوم
ــــــــــــــــــــــ واستدار الحظ ملعون الرسام !!
لاتنهض طوّحت فيه العزوم
ــــــــــــــــــــــ والهواجس برّدت فيه العضام
للفنا وضعه ترى بات امحسوم
ـــــــــــــــــــــ كان مالله راد واخطته السهام
بين طول البعد واقفاي امحروم
ـــــــــــــــــــــ للشعور احيان وقفه وانقسام
لاتجر السالفه عضّ البهوم
ـــــــــــــــــــــ عــــــــقبها ما للندم فود ومرام
والله ان اقسى من النار الضروم
ـــــــــــــــــــ تـبْـعـَـت المقفي على راع الغرام











في الختام لا أملك الا ان اقول :




شكرا لكل من مر من هنا ..



أطيب الاوقآت ..

[هبس]

صح لسانك ياالشاعر الكبير بدر الهبيري..

حالها يامن على حالي رحوم
ـــــــــــــــــــ لاتســـــــــــرّ الناضرين ولا تلام

الله يرحم الحال ويصلح الاحوال ..

يقولون كلٍ عليه من الزمان واتسف..

حفظك الله ورعاك ..