سيف الخوالد
09-26-2007, 11:41 PM
http://www.bof3d.com/up/File/9-2007/bof3d_comkd1amnt7.rm
يقول الخالدي مطلع كلامه = يثنّي للخوالد في سلامه
سلام الله سلامٍ فيه حشمه = منزّه عن ترانيم النمامه
سلامٍ فيه عز وفيه هيبه = على نبع الشجاعه والزعامه
على سرعة طيور الجو طاير = مثل طيرٍ تعجّل بانصرامه
زهمت الحرف والباقي على الله = وانا ادري به وسامه مع جسامه
شطون الراس وسط الراس شاشت = وجاك الحرف وارد من حيامه
متون القاف تدحم في بعضها = من القمقام في غبّة عتامه
قصيدي انهض الله لايهينك = ابي تزأر كما يزأر اُسامه
ترى مرسلك خابر ماتوّصى = تبيّض وجه راعيك وقيامه
وانا شاعر ومن عقب الوليده = وجدّي فارسٍ مرفوع هامه
اخو عيده ليا من جاك يعدي = واذا اوعدْك يوفي بالتزامه
قصيدة فخر لابناء العمومه = من ابن عشيش بحرٍ بالتطامه
كتبت ابياتها من دم قلبي = لأِصحاب السعاده والفخامه
ترى مدح العرب ماهو مطمّه = لأنْ ماجبت شيٍ فيه طامَه
اقوله واثقٍ من فعل ربعي = وثوق الليث قدّام اختصامه
بني عمي وانا منهم وعنهم = اذا هي بالفخر خوذوا تمامه
بني خالد قبل دور الصحابه = تقود الجيش في يوم ازدحامه
خوالد افتخر فيهم وافاخر = لنا بالمجد تاريخ ووشامه
على وضح النقا جبت الدلايل = من ارشيف الحسا ودار المنامه
بني خالد سلاطين الجزيره = رموز المجد في ذروة سنامه
واجود حج بالجمع الغفيرِ = وصفّ المسلمين اول غرامه
ملك نجدٍ وعمّ الخير كله = وباسم الدين قامه من قوامه
بنا مقرن غريم البرتغالي = وبنا زامل ومذكور الجهامه
غُزاة الروم والجيش العرمرم = على يدّ الخوالد انهتامه
وقف شوكه على حلق الصليبي = شجاع القوم مقرن باقتدامه
معارك طاحنه جرحى وقتلى = وريح الموت خيّم بالقتامه
وطاحت دولته سبحان ربي = بعد مقرن تهاوت بانهدامه
أفل نجمٍ ونجمٍ جاك ساطع = سما شبه الجزيره في ظلامه
بنينا دولةٍ في اثر دوله = وخشم المعتدي ثابت خطامه
رجع حكم الخوالد ماض الاول = وصاح الشيخ معلن في عصامه
الا ياربعنا صيحوا تناخوا = صهيل الخيل شوقه في لجامه
بامر برّاك رحنا وانتخينا = من القبّ الاصيلات التحامه
توكلنا وعلى الله اتكلنا = وتعدّينا نظر زرقا اليمامه !
وثار الجيش والخيل الطلايع = وبالسيف الحمر ويّا اللثامه
صمود وسيطره واصرار ذاتي = نهضنا واعتنينا في ركامه !
طردنا الترك عن باقي عربنا = وثرنا ليلةٍ مثل القيامه
وسيف الحق للمحتل حاسم = ولامنّه هوى لاشك ضامه
ظليمة فعلهم والبادي اظلم = جحافلهم توّجد من حطامه
غدوا مثل الشجر في وسط سيلٍ = هزايمهم تقلدنا وسامه
واذا حميَ الوطيس الموت عجّل = تقحزل حيلهم حال انفرامه
جيوشٍ جرّت اذيال الهزيمه = من السيف المُهنّد وارتطامه
لنا شيوخٍ اباطر من عهدها = حقايق والصدق مابه رهامه
ليا عدّيت برّاك الغريري = يفزّ العز من غافي منامه
العريعر لهم تاريخ حافل = طيور كاسره عند احتدامه
انا اشهد انّهم تاج المعالي = زمنهم واجد اللي بانكتامه
دجين وزيد وسعدونٍ وماجد = وابن سرداح خاله من عمامه
وابن منديل شيخٍ قد تهابه = وحوش البر من سطوة حُسامه
عقيدٍ لاغزى وقت المغازي = عدوّه باللقا جته النجامه
بهم ليل الموّثب في سموّه = ومنديل المظفّر في قثامه
الى شيخان ربعي اربعتهم = كبار عنك جاهه مع فهامه
ابن فارس فلاح الحر الاشقر = اي بالله قرم لابانت عسامه
بداح كليب رجّال المواقف = يحصّل لاجهم كامل مرامه
فهد عجران خيّال الاصيله = يهاب الذيب لابيّن خصامه
وخالد بن عقل جزل المروّه = حزام الطيب من طنخة حزامه
لهم بصمات في حق القبيله = شيوخٍ ماتهاب من الملامه
لهم وقفات لايمكن نعدّه = وفدوة روسهم راس الخمامه
الى دار الجبيل المستنيره = على الفزعه يسرّك بانضمامه
ابن مجدل عزيز الشان مجدل = ياحي الوجه ياحي القرامه
الى نجد العذيه والأبيه = يطش الدم نشْوه لانتقامه
ابن سيّار جبر المعضلاتِ = قوي الباس ظافر باحتكامه
وزيد خشيم من روس الحموله = وكم رجّال عوقه في خزامه
بحايل ذاع صيته بالمثايل = من التاريخ قد نال اهتمامه
الىْ ارض الجوف والشيخ المعرّب = لحيد اللي خذا نوط الشهامه
مضى له دور حاكم في سكاكا = سليل المجد عزّه باعتزامه
ومن عقبه سهيّان السنافي = قيادي والقياده باستلامه
واخو عينا عديم القلب قاسم = ضديد الضد حزّات الدوامه
ومسعر له مناخ الطيب كله = يحوف الضيف يمسي في صيامه
بن بليهد يبلّ الريق رمحه = ليا صارت جهاله واعترامه
ابن درعان لطّام الاعادي = يميل الصف من عقب استقامه
ترى صنيتان حمّاي التوالي = اذا قدّر على الجيش انقسامه
وابن دندن رهيف السيف ضافي = نهار الكون مفتول الشكامه
حسن بن درع نطّاح المنايا = ركاب الموت جرحه والتئامه
الى الاردن بها طير الفلاحي = فلاح عطين صامل باحتزامه
سعود القاضي القرم الفقيده = عسى بالنار ماتعرض عظامه
الى الباشا بحمص الخالديه = صميدع ساطيٍ عالي مقامه
بهم عبدالكريم الوجه الافلح = وطلال موّسمه فيه الكرامه
وثلاث من العوارض لابةٍ لي = وقطع العرق تاليه الندامه
صناديدٍ عتاريسٍ ضواري = عقيد القوم وش عظّة بهامه ؟
لنا في ماضي الازمان كلمه = سطارتنا ونخوتنا غَمامه
نصيب الذيب حنّا قد خذينا = من التاريخ مصدر واغتنامه
وانا ماهمني جحف المؤلف = وجوده مستوي حتى انعدامه
مِن ايات المنافق قد عرفنا = اذا حدّث ( كذب ) وابطى هيامه
رعاع الناس صارت بالثريا = جزاك الله ياوجه السُخامه
سواءً ميت والا حي تُرزق = فلا تلقى ابد غير الهكامه
تربعنا على عرش الكراسي = رغم انفك تربعنا رغامه
فلا تهرف بمالا انت تعرف = ترى ماانت البخاري وابو اُمامه
اذا حالتك صعبه ناصحٍ لك = تسوي لك على راسك حجامه !
وانا بفخر ولاني مثل غيري = يصفّ الهرج والتيهه امامه
كلامٍ فيه تعزيز الادله = كما غيثٍ تهلهل بارتزامه
وطينا بالمطايا ارض فارس = وجرّدنا السيوف من الصرامه
اخذنا نجد وعززنا عنيزه = وباب المنكوي معلن سطامه
بن مسلّم قبل حكم آل ثاني = تسلطن في قطر من طيب خامه
لنا بعْمان وادي يذكرونه = الى يومه وتطلاه الوسامه
حكمْنا الشرق لاطراف السواحل = وحدرنا من ورى دار اليمامه
ملكْنا دار هجرٍ بالتوارث = بشرع الله عزّه وانسجامه
على هدي النبوّه والرساله = حلاله قد فصلناه وحرامه
تزعمنا وخطّينا الفيافي = من الصمّان لطعوس الثمامه
خوالد والشجاعه سر فينا = حمينا بالخلا بيض النعامه
وأسسنا الكويت وكل عِلمٍ = يعرْفه كل من عنده لمامه
وفي بغداد قد صلنا وجلنا = لحد الشام نصّبنا خيامه
بنينا قصور وقلاعٍ حصينه = قرونٍ قد خلت عسر اقتحامه
شموخ النايفه في وسط جِنّه = تحدّت زمرة الظلم ونظامه
وزعْبَل قلعة المجد العظيمه = بطارتها علامه وارتقامه
قصر صاهود يشهد للمعزّه = علينا عز يوم الله دامه
( هَبْس ) يوم الخوالد محتمينه = ( حَبْس ) دون الحسا تطلق سهامه
لفى جاسوس واسطنبول تدري = رجع مكسور خاطر بانهزامه
لأنه باللغة هرجه مكسّر = نطقْها ( هَبْس ) مشدودٍ لحامه
لنا عُمله تسمّى بـ ( الطويله ) = رسمناها على الواقع رسامه
تداولها العرب من كل جانب = وثيقه من مآثرنا علامه
ليا من جا نهار الهيّه اللي = يبين الحر فيها والحمامه
طيور الصيد ربعي بالملاقا = حرارٍ ماكره منها سقامه
بواترنا عقوبه في عقوبه = على العايل ترى حنا كعامه
على من قد تمادى انتصرنا = بيوم امريخ طشّينا العمامه
عدوٍ لانطحنا واحتزمنا = وعزالله فلا شاف السلامه
تزرفل ركْبنا شرق اللقايط = وجندلنا بهم تسعين قامه
اُلوا بأسٍ شديدٍ في المعارك = ظفرنا صيد جزلات الضخامه
تمركزنا وغزّينا البيارق = والى قام العدو حنا شمامه
لنا وقفات شبه المستحيله = يشيب الطفل منها في فطامه
معاركنا كثيره والعزاوي = وأصغر ورع في قلبه شغامه
رزانتنا ومنطقنا رجوله = ولانسري بدربٍ به لئامه
طحاطيحٍ زحازيح الفعايل = مقاليد الشرف خذنا زمامه
مطانيخٍ اشاوس ماخضعنا = مناعيرٍ ولافينا هلامه
علوم الطيب ودروب الشكاله = خذينا شدادها ويّا المسامه
منازلنا على روس النوايف = قصير البيت ماجاه انهضامه
كبار بيوت واهل سموت حيّه = بنينا مجدها من حين عامه
ملكْنا من النخيل الباسقاتي = زمان الشح والفقر وزُخامه
بساتينٍ طويلاتٍ عراضي = يشوف الضيف ترحيب وحشامه
تميزنا فـ بيت الشعر الابيض = وحق الضيف مانقرب طعامه
حقوقه حافظينه من مهدنا = خوالد ماتقدّم له قشامه
هجور مقلطه والقدر فاير = وذبح الحيل مع طيّب يدامه
كرمنا فوق فوق الوصف يعني = يخالط في كرمنا ابتسامه
وكم شيخٍ تذرّى في ذرانا = وعاش بضلنا بعد القسامه
لنا بالعز تاريخٍ وسيره = ماهو بمسلسلٍ والا درامه
بحد السيف ماهو بالقصايد = يوم ان الهيس حاكم في كلامه
ولاكل شي اشوفه رحت اقوله = عسى الله يقطعك يابو دولامه
تصدرنا المراتب والمراكز = ولكنّ الزمن بان ابترامه
دواليك الزمن دارت علينا = وغير الله مادامت لهامه
وحنا اليوم في عصر التقدم = دول واديان كلٍ في مهامه
وامير الجمع خالد بن عريعر = فرض بين القبايل احترامه
ابو نايف ليا جات الشدايد = يحل الصعب في قوّ اجتثامه
بضل اسره سياستها حكيمه = شعب واحد وعبدالله إمامه
امان وامن في شبه الجزيره = وعدو المملكة حان انفصامه
ابو متعب وحنا له سرايا = عنان الطيب قد حازه ورامه
مليك المملكة للشعب وافي = وئام اهل الجزيره من وئامه
واعرّج في سلامي للقبايل = سلامٍ عد ماهبّت نسامه
قبايل فعلها ماضي وحاضر = جمع مابينها قرب ورحامه
رفاقه كلنا والدين واحد = تجمّعنا على طيب وكرامه
احب الطيب من كل النواحي = ولالي بالردى واهل الغشامه
الا يالله تغفر لي ذنوبي = وحسن الخاتمه يوم انحتامه
سلامي للخوالد / والتحيه = من الاهواز لي غربي تهامه
وصلى الله على محمد وسلم = على المختار صلوا في ختامه
رابط للحفظ
http://www.bof3d.com/up/File/9-2007/bof3d_comkd1amnt7.rm
منقول للفائده مع اطيب تحياتي
يقول الخالدي مطلع كلامه = يثنّي للخوالد في سلامه
سلام الله سلامٍ فيه حشمه = منزّه عن ترانيم النمامه
سلامٍ فيه عز وفيه هيبه = على نبع الشجاعه والزعامه
على سرعة طيور الجو طاير = مثل طيرٍ تعجّل بانصرامه
زهمت الحرف والباقي على الله = وانا ادري به وسامه مع جسامه
شطون الراس وسط الراس شاشت = وجاك الحرف وارد من حيامه
متون القاف تدحم في بعضها = من القمقام في غبّة عتامه
قصيدي انهض الله لايهينك = ابي تزأر كما يزأر اُسامه
ترى مرسلك خابر ماتوّصى = تبيّض وجه راعيك وقيامه
وانا شاعر ومن عقب الوليده = وجدّي فارسٍ مرفوع هامه
اخو عيده ليا من جاك يعدي = واذا اوعدْك يوفي بالتزامه
قصيدة فخر لابناء العمومه = من ابن عشيش بحرٍ بالتطامه
كتبت ابياتها من دم قلبي = لأِصحاب السعاده والفخامه
ترى مدح العرب ماهو مطمّه = لأنْ ماجبت شيٍ فيه طامَه
اقوله واثقٍ من فعل ربعي = وثوق الليث قدّام اختصامه
بني عمي وانا منهم وعنهم = اذا هي بالفخر خوذوا تمامه
بني خالد قبل دور الصحابه = تقود الجيش في يوم ازدحامه
خوالد افتخر فيهم وافاخر = لنا بالمجد تاريخ ووشامه
على وضح النقا جبت الدلايل = من ارشيف الحسا ودار المنامه
بني خالد سلاطين الجزيره = رموز المجد في ذروة سنامه
واجود حج بالجمع الغفيرِ = وصفّ المسلمين اول غرامه
ملك نجدٍ وعمّ الخير كله = وباسم الدين قامه من قوامه
بنا مقرن غريم البرتغالي = وبنا زامل ومذكور الجهامه
غُزاة الروم والجيش العرمرم = على يدّ الخوالد انهتامه
وقف شوكه على حلق الصليبي = شجاع القوم مقرن باقتدامه
معارك طاحنه جرحى وقتلى = وريح الموت خيّم بالقتامه
وطاحت دولته سبحان ربي = بعد مقرن تهاوت بانهدامه
أفل نجمٍ ونجمٍ جاك ساطع = سما شبه الجزيره في ظلامه
بنينا دولةٍ في اثر دوله = وخشم المعتدي ثابت خطامه
رجع حكم الخوالد ماض الاول = وصاح الشيخ معلن في عصامه
الا ياربعنا صيحوا تناخوا = صهيل الخيل شوقه في لجامه
بامر برّاك رحنا وانتخينا = من القبّ الاصيلات التحامه
توكلنا وعلى الله اتكلنا = وتعدّينا نظر زرقا اليمامه !
وثار الجيش والخيل الطلايع = وبالسيف الحمر ويّا اللثامه
صمود وسيطره واصرار ذاتي = نهضنا واعتنينا في ركامه !
طردنا الترك عن باقي عربنا = وثرنا ليلةٍ مثل القيامه
وسيف الحق للمحتل حاسم = ولامنّه هوى لاشك ضامه
ظليمة فعلهم والبادي اظلم = جحافلهم توّجد من حطامه
غدوا مثل الشجر في وسط سيلٍ = هزايمهم تقلدنا وسامه
واذا حميَ الوطيس الموت عجّل = تقحزل حيلهم حال انفرامه
جيوشٍ جرّت اذيال الهزيمه = من السيف المُهنّد وارتطامه
لنا شيوخٍ اباطر من عهدها = حقايق والصدق مابه رهامه
ليا عدّيت برّاك الغريري = يفزّ العز من غافي منامه
العريعر لهم تاريخ حافل = طيور كاسره عند احتدامه
انا اشهد انّهم تاج المعالي = زمنهم واجد اللي بانكتامه
دجين وزيد وسعدونٍ وماجد = وابن سرداح خاله من عمامه
وابن منديل شيخٍ قد تهابه = وحوش البر من سطوة حُسامه
عقيدٍ لاغزى وقت المغازي = عدوّه باللقا جته النجامه
بهم ليل الموّثب في سموّه = ومنديل المظفّر في قثامه
الى شيخان ربعي اربعتهم = كبار عنك جاهه مع فهامه
ابن فارس فلاح الحر الاشقر = اي بالله قرم لابانت عسامه
بداح كليب رجّال المواقف = يحصّل لاجهم كامل مرامه
فهد عجران خيّال الاصيله = يهاب الذيب لابيّن خصامه
وخالد بن عقل جزل المروّه = حزام الطيب من طنخة حزامه
لهم بصمات في حق القبيله = شيوخٍ ماتهاب من الملامه
لهم وقفات لايمكن نعدّه = وفدوة روسهم راس الخمامه
الى دار الجبيل المستنيره = على الفزعه يسرّك بانضمامه
ابن مجدل عزيز الشان مجدل = ياحي الوجه ياحي القرامه
الى نجد العذيه والأبيه = يطش الدم نشْوه لانتقامه
ابن سيّار جبر المعضلاتِ = قوي الباس ظافر باحتكامه
وزيد خشيم من روس الحموله = وكم رجّال عوقه في خزامه
بحايل ذاع صيته بالمثايل = من التاريخ قد نال اهتمامه
الىْ ارض الجوف والشيخ المعرّب = لحيد اللي خذا نوط الشهامه
مضى له دور حاكم في سكاكا = سليل المجد عزّه باعتزامه
ومن عقبه سهيّان السنافي = قيادي والقياده باستلامه
واخو عينا عديم القلب قاسم = ضديد الضد حزّات الدوامه
ومسعر له مناخ الطيب كله = يحوف الضيف يمسي في صيامه
بن بليهد يبلّ الريق رمحه = ليا صارت جهاله واعترامه
ابن درعان لطّام الاعادي = يميل الصف من عقب استقامه
ترى صنيتان حمّاي التوالي = اذا قدّر على الجيش انقسامه
وابن دندن رهيف السيف ضافي = نهار الكون مفتول الشكامه
حسن بن درع نطّاح المنايا = ركاب الموت جرحه والتئامه
الى الاردن بها طير الفلاحي = فلاح عطين صامل باحتزامه
سعود القاضي القرم الفقيده = عسى بالنار ماتعرض عظامه
الى الباشا بحمص الخالديه = صميدع ساطيٍ عالي مقامه
بهم عبدالكريم الوجه الافلح = وطلال موّسمه فيه الكرامه
وثلاث من العوارض لابةٍ لي = وقطع العرق تاليه الندامه
صناديدٍ عتاريسٍ ضواري = عقيد القوم وش عظّة بهامه ؟
لنا في ماضي الازمان كلمه = سطارتنا ونخوتنا غَمامه
نصيب الذيب حنّا قد خذينا = من التاريخ مصدر واغتنامه
وانا ماهمني جحف المؤلف = وجوده مستوي حتى انعدامه
مِن ايات المنافق قد عرفنا = اذا حدّث ( كذب ) وابطى هيامه
رعاع الناس صارت بالثريا = جزاك الله ياوجه السُخامه
سواءً ميت والا حي تُرزق = فلا تلقى ابد غير الهكامه
تربعنا على عرش الكراسي = رغم انفك تربعنا رغامه
فلا تهرف بمالا انت تعرف = ترى ماانت البخاري وابو اُمامه
اذا حالتك صعبه ناصحٍ لك = تسوي لك على راسك حجامه !
وانا بفخر ولاني مثل غيري = يصفّ الهرج والتيهه امامه
كلامٍ فيه تعزيز الادله = كما غيثٍ تهلهل بارتزامه
وطينا بالمطايا ارض فارس = وجرّدنا السيوف من الصرامه
اخذنا نجد وعززنا عنيزه = وباب المنكوي معلن سطامه
بن مسلّم قبل حكم آل ثاني = تسلطن في قطر من طيب خامه
لنا بعْمان وادي يذكرونه = الى يومه وتطلاه الوسامه
حكمْنا الشرق لاطراف السواحل = وحدرنا من ورى دار اليمامه
ملكْنا دار هجرٍ بالتوارث = بشرع الله عزّه وانسجامه
على هدي النبوّه والرساله = حلاله قد فصلناه وحرامه
تزعمنا وخطّينا الفيافي = من الصمّان لطعوس الثمامه
خوالد والشجاعه سر فينا = حمينا بالخلا بيض النعامه
وأسسنا الكويت وكل عِلمٍ = يعرْفه كل من عنده لمامه
وفي بغداد قد صلنا وجلنا = لحد الشام نصّبنا خيامه
بنينا قصور وقلاعٍ حصينه = قرونٍ قد خلت عسر اقتحامه
شموخ النايفه في وسط جِنّه = تحدّت زمرة الظلم ونظامه
وزعْبَل قلعة المجد العظيمه = بطارتها علامه وارتقامه
قصر صاهود يشهد للمعزّه = علينا عز يوم الله دامه
( هَبْس ) يوم الخوالد محتمينه = ( حَبْس ) دون الحسا تطلق سهامه
لفى جاسوس واسطنبول تدري = رجع مكسور خاطر بانهزامه
لأنه باللغة هرجه مكسّر = نطقْها ( هَبْس ) مشدودٍ لحامه
لنا عُمله تسمّى بـ ( الطويله ) = رسمناها على الواقع رسامه
تداولها العرب من كل جانب = وثيقه من مآثرنا علامه
ليا من جا نهار الهيّه اللي = يبين الحر فيها والحمامه
طيور الصيد ربعي بالملاقا = حرارٍ ماكره منها سقامه
بواترنا عقوبه في عقوبه = على العايل ترى حنا كعامه
على من قد تمادى انتصرنا = بيوم امريخ طشّينا العمامه
عدوٍ لانطحنا واحتزمنا = وعزالله فلا شاف السلامه
تزرفل ركْبنا شرق اللقايط = وجندلنا بهم تسعين قامه
اُلوا بأسٍ شديدٍ في المعارك = ظفرنا صيد جزلات الضخامه
تمركزنا وغزّينا البيارق = والى قام العدو حنا شمامه
لنا وقفات شبه المستحيله = يشيب الطفل منها في فطامه
معاركنا كثيره والعزاوي = وأصغر ورع في قلبه شغامه
رزانتنا ومنطقنا رجوله = ولانسري بدربٍ به لئامه
طحاطيحٍ زحازيح الفعايل = مقاليد الشرف خذنا زمامه
مطانيخٍ اشاوس ماخضعنا = مناعيرٍ ولافينا هلامه
علوم الطيب ودروب الشكاله = خذينا شدادها ويّا المسامه
منازلنا على روس النوايف = قصير البيت ماجاه انهضامه
كبار بيوت واهل سموت حيّه = بنينا مجدها من حين عامه
ملكْنا من النخيل الباسقاتي = زمان الشح والفقر وزُخامه
بساتينٍ طويلاتٍ عراضي = يشوف الضيف ترحيب وحشامه
تميزنا فـ بيت الشعر الابيض = وحق الضيف مانقرب طعامه
حقوقه حافظينه من مهدنا = خوالد ماتقدّم له قشامه
هجور مقلطه والقدر فاير = وذبح الحيل مع طيّب يدامه
كرمنا فوق فوق الوصف يعني = يخالط في كرمنا ابتسامه
وكم شيخٍ تذرّى في ذرانا = وعاش بضلنا بعد القسامه
لنا بالعز تاريخٍ وسيره = ماهو بمسلسلٍ والا درامه
بحد السيف ماهو بالقصايد = يوم ان الهيس حاكم في كلامه
ولاكل شي اشوفه رحت اقوله = عسى الله يقطعك يابو دولامه
تصدرنا المراتب والمراكز = ولكنّ الزمن بان ابترامه
دواليك الزمن دارت علينا = وغير الله مادامت لهامه
وحنا اليوم في عصر التقدم = دول واديان كلٍ في مهامه
وامير الجمع خالد بن عريعر = فرض بين القبايل احترامه
ابو نايف ليا جات الشدايد = يحل الصعب في قوّ اجتثامه
بضل اسره سياستها حكيمه = شعب واحد وعبدالله إمامه
امان وامن في شبه الجزيره = وعدو المملكة حان انفصامه
ابو متعب وحنا له سرايا = عنان الطيب قد حازه ورامه
مليك المملكة للشعب وافي = وئام اهل الجزيره من وئامه
واعرّج في سلامي للقبايل = سلامٍ عد ماهبّت نسامه
قبايل فعلها ماضي وحاضر = جمع مابينها قرب ورحامه
رفاقه كلنا والدين واحد = تجمّعنا على طيب وكرامه
احب الطيب من كل النواحي = ولالي بالردى واهل الغشامه
الا يالله تغفر لي ذنوبي = وحسن الخاتمه يوم انحتامه
سلامي للخوالد / والتحيه = من الاهواز لي غربي تهامه
وصلى الله على محمد وسلم = على المختار صلوا في ختامه
رابط للحفظ
http://www.bof3d.com/up/File/9-2007/bof3d_comkd1amnt7.rm
منقول للفائده مع اطيب تحياتي