إبراهيم المهنا
08-12-2008, 07:06 AM
الشوق ماهو على كيفي ولا بيْدي=لو انّها في يدي م/ اشتقت لك مرّة
لكنْ وش حيلتي لا زاد تنهيْدي = والصوت قام ايتحايلني على جرّه
الشوق لا صار هو قمّة مواعيْدي= الله يا قسوته والله يا حرّه
اللي نساني على رمضاي في قيْدي=لو هو عتقني وحلَّ القيد وش ضرّه .؟
ما تسخي الا علشانه مواريْدي=واخليت ريضان روحي له ولا مَرّه
ياوجد حالي على لاماك ياسيْْدي=أروي ضما عاشقك واعاود الكرّه
يا منتهى الحسن يا عرّابة الغيْدي= الا فديتك من رجولك الى الغرّه
يا جنتي يا حياة الروح يا عيْدي = الوصل يا سيدي لله يا درّه
أنا دخيلك /تلقتني جراهيْدي = من دون وصلك/ ولا حصلت لو ذرّه
أعدّي الحيد واطوي لاجلك البيْدي=واشرب فناجيل صدّك وارتشف مِرّه
ما بين همي وألامي وتسهيْدي = اجمع لك الشوق لو ما جيت واثرّه
وان كان ما علّني وصلك فانا بيْدي= الجيب أسهل عليّ من اجمعه طرّه ..!!
لكنْ وش حيلتي لا زاد تنهيْدي = والصوت قام ايتحايلني على جرّه
الشوق لا صار هو قمّة مواعيْدي= الله يا قسوته والله يا حرّه
اللي نساني على رمضاي في قيْدي=لو هو عتقني وحلَّ القيد وش ضرّه .؟
ما تسخي الا علشانه مواريْدي=واخليت ريضان روحي له ولا مَرّه
ياوجد حالي على لاماك ياسيْْدي=أروي ضما عاشقك واعاود الكرّه
يا منتهى الحسن يا عرّابة الغيْدي= الا فديتك من رجولك الى الغرّه
يا جنتي يا حياة الروح يا عيْدي = الوصل يا سيدي لله يا درّه
أنا دخيلك /تلقتني جراهيْدي = من دون وصلك/ ولا حصلت لو ذرّه
أعدّي الحيد واطوي لاجلك البيْدي=واشرب فناجيل صدّك وارتشف مِرّه
ما بين همي وألامي وتسهيْدي = اجمع لك الشوق لو ما جيت واثرّه
وان كان ما علّني وصلك فانا بيْدي= الجيب أسهل عليّ من اجمعه طرّه ..!!